文匯報做藝展盲公竹，但觀眾揸住碌竹感覺超級伏。明明報道大館裏面的「韌生」Unsung展品幾咁黑暴，三本在展場的書「夏慤佔領圖」「年初一紀事」「雨傘見聞」，根本一本都搵唔到。這種免費宣傳，令本來得十零件作品@一幅十步行晒的牆上的蚊型展覽，超吸睛，排隊上去睇的市民意外發現一間有超大露台乜都白色的咖啡室，隨時要破費，高級文青了一下，黑暴刷聲變白。

同一份報紙，早幾日已高調宣傳金鐘The Desk的世界新聞攝影大獎圖片展，慌死假期冇人會入荒涼的金融區睇被浸大下架的展覽。東龍島露營隊紅酒遺下N袋垃圾的市民，唔屬於「好X鍾意香港」群組，亂遺垃圾，做死清潔工，這些人拍拍屁股丟晒廉價營墊後，冇執輸也去大館睇展的話，肯定成為文匯報裏面那位開口難聽過粗口的所謂市民陳先生，猛話大館係警署，黑暴展是侮辱警察。展覽位處那個地方，前身並非警署，係監獄。阿蛇坐得監少，雖然涉嫌強姦，栗戰司當烏龜鯉魚咁放生。將偷渡越南人蛇兩條金鏈「偷龍轉鳳」又點？小菜一碟，阿蛇坐監，唔使人教！大館叫做Tai Kwun，大官，度身訂做。官字兩個口，警字超然於實體，大你個官柒個口。左報批鬥藝文界，升呢做文化判官，完善分豬肉制度下，有錢途。