【新增動新聞】
阿仙奴喺星期三以1:0小勝唐卡士打嘅英格蘭聯賽盃第3圈比賽，中場韋舒亞終於再次做正選，係佢目隔493日之後再次為槍手正選披甲，而佢喺場比賽更加踢足90分鐘，係1093日之後再次踢足全場。

25歲嘅韋舒亞近年受到傷患困擾，上季就外借咗去般尼茅夫，而佢自從2014年9月之後終於再次為阿仙奴踢足全場，領隊雲格亦認為今場係畀韋舒亞踢足90分鐘嘅理想比賽。雲格話︰「我想畀佢踢足90分鐘，整體嚟講我覺得今場係佢重拾自信同狀態嘅理想比賽。」雲格亦話呢場比賽強度唔及英超，但對於韋舒爾逐步建立信心就好重要。