加里夫巴利打破轉會費世界紀錄加盟皇馬，坐享1,560萬鎊（約1.9億港元）年薪，難怪佢自己都話夢想成真。其實又有邊個細個開始踢波嘅球員，夢想唔係可以成為咁有錢嘅頂級球星吖；但現實還現實，想當年巴利讀高中時候嘅校隊隊友，到今日大部份都已經做緊同足球冇關係嘅工作，其中最霉嗰個，年薪係佢1,300分之一，咁即係巴利一年人工等於佢30世人搵嘅錢。

巴利當年喺卡迪夫嘅韋特卓治高校（Whitchurch High School）嘅校隊，但當時校隊裏面最好波嘅並唔係巴利，而係比佢更加高大威猛嘅禾貝頓。講一班隊友畢業後嘅發展，除咗巴利外最好嘅都算係禾貝頓；𠵱家24歲嘅佢轉咗去打欖球，係卡迪夫藍戰士嘅隊長，年薪都有30萬鎊，對一般人嚟講已經係好好嘅收入，但同成為咗皇馬球員嘅巴利比嘅話，就差成52倍。
至於巴利其他高中隊友又如何？有啲去咗做餐廳侍應，年薪18,000鎊；最霉嗰兩個分別去做售貨員及欖球教練，大家都係得12,000鎊年薪，同巴利差成1,300倍咁多。當佢哋一世人返40年工咁計，即係話巴利一年人工就賺到佢哋30世嘅錢，都咪話唔驚人。
其實球迷最關心始終係巴利幾時出場，佢喺上周五場世盃外齋坐喺後備席冇上陣，威爾斯國家隊領隊高文亦講定佢未必會喺周二對塞爾維亞場波亮相：「我唔會冒險，巴利喺周二肯定唔會正選；會唔會後備入替？到時睇吓點先！」

我求大俠認為球迷都係叠埋心水，等周六皇馬作客維拉利爾先會見到巴利亮相。有報道指巴利嘅皇馬隊友馬些路，由於喺上周六巴西大勝澳洲場友賽拉傷肌肉，令巴利喺佢嘅皇馬處子戰要重操故業頂左後衞個位，同C朗組成最強最貴嘅左邊通道，又睇吓教練肥安到時係咪真係咁玩法。

激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24