楊穎（Angelababy）今晚喺大陸百花獎頒獎典禮，以《尋龍訣》獲得最佳女配角獎，演技獲大陸電影人嘅肯定。

呢次Baby獲獎真係可以話係成績突飛猛進，因為拍過《那夜凌晨，我坐上了旺角開往大埔的紅VAN》嘅陳果，佢上年返大陸拍咗套《謀殺似水年華》起用Baby做女主角，但陳果接受大陸傳媒訪問時被問到，Baby演技經常被彈，係咪因為Baby紅先揀佢，當時陳果當時係咁講：「當時我們選她的時候，不好不重要，她受歡迎就行了。這個不要強調好不好了，因為觀眾是麻木的。」

另外，有傳2011年Baby拍《建黨偉業》嘅時候，因為經驗所限，喺一場喊戲完全配合唔到對手，連導演都忍唔住要停機問：「係咪要催淚棒嗎？」結果場戲要由導演同對手引領Baby入戲，先順利拍完嗰一場戲份。Baby嘅演戲天份一直都係網民話題，睇嚟佢真係下過一輪苦功喺幾年之後真係進步咗。