【騎師牌就到期】守齋足足個半月 貝力斯好彩仲有六爺支持
蘋果日報 2019/10/23 06:00
羅富全貝力斯公司騎師牌照佳騰駒六爺
佳騰駒（右）上仗於貝力斯胯下跑第三- 明月昇輝乃貝力斯今季暫時唯一頭馬
貝力斯喺開鑼日（9月1日）贏韋廐「明月昇輝」後，表現高開低走，跟住守齋個半月，令只得三個月公司騎師牌照嘅騎者非常懊惱。
騎者由暑假開始，一直有為韋達馬房操馬，但最近一個星期已再冇出現呢個鏡頭，反而係沈拿丶史卓豐操多咗韋廐馬，究竟韋達同貝力斯係唔係暫停交收，仍有待觀察。
貝力斯嘅支持度一向唔多，佢本身亦較沉靜，唔夠主動嘅話，就好難喺高手林立嘅香港馬圈立足。
佢今晚（23日）難得有匹實力座騎，還看當事人能否「止蝕」回勇。
第四場二班1650米羅富全麾下「佳騰駒」上仗突然放頭，估唔到快放唔斷，喺谷草1800半走入一席季軍，呢匹名氣大嘅腳患馬有復蘇迹象，今仗曾有其他大師傅索騎，但全哥對貝力斯投下信任一票。
外號六爺的羅富全話騎者同「佳騰駒」特別合拍，加上谷草跑道較淋，對呢匹腳患馬冇咁大負荷，今場繼續由貝力斯壓陣，真係有情有義。
練者肯畀機會，但講到底，仍要貝力斯自己努力，以扭轉劣勢。