當年今日
關於我們

【短片】【《家明》噤聲】陳淨心/軒仔/白色恐怖謝安琪:我唔回應

蘋果日報 2015/12/16 06:00

蘋果封殺張敬軒舉報陳淨心佔領Kay我是歌手軒仔即時檢舉被退出

「香港歌手」之名,在香港人心目中,不止是「地域」的局限。一個真正香港歌手,關心社會,會唱出/寫出港人心聲;面對大是大非,她/他會發聲。

唱過《雞蛋與高牆》,唱過《家明》的謝安琪。曾經以一個普通香港市民身份,到金鐘捐贈物資。然後有一個姓陳的大媽,看圖作文寫道:「堅決抵制一切佔中藝人歌手到內地賺人民幣!雖然佔中不一定是港獨,但卻是配合了西方反華勢力搞亂香港(下刪百字)。」香港人對此等上綱上線言論往往一笑置之;但在鄰近經濟強國,玻璃心子民卻不然。見微博數以萬計非理性留言,實在令人心寒。

一個五毛兩個五毛,逐個逐個慢慢儲。陳大媽先舉報盧凱彤,再「欽點」謝安琪,然後「點燈」張敬軒。但係咪真係舉報有效呢?盧凱彤依家仲傾緊大陸job,謝安琪都係,軒仔更搞笑、根本冇落實話參加《我是歌手4》,卻遭大陸傳媒指係因為陳大媽舉報而被退出。陳大媽的「影響力」,可見一斑。

陳大媽或「多此一舉」,可是藝人歌手卻也因此噤聲。

今日謝安琪與小齊踩單車現身尖沙嘴出席慈善活動。訪問時,謝安琪一聽到張敬軒個名,條問題都未問完,已經搶答:「關於呢件事,我唔回應。再講就本來係一個人講說話,就連累咗好多不必要嘅麻煩。」

記者再問:「咁之前陳淨心都……」又係未問完,謝安琪又搶答:「我之前都有講過,我唔再講喇。」

之後謝安琪再謂:「但我對軒仔有信心,無論佢處事方式,工作專業,我都好有信心。」

那可擔心影響大陸巡迴演唱會?謝安琪再說:「唔回應喇。」

有冇傾緊大陸嘅工作?謝安琪承認:「有傾緊。」又話:「我同小齊頭先仲分享緊大陸嘅工作。」

噚晚明哥黃耀明出席首映時,講到因為陳姓大媽檢舉隨之而嚟嘅白色恐怖。明哥話:「依家已經做緊啦。」謝安琪就話:「每個人做好自己本份,大家一齊面對呢啲事。我唔係特別驚弓之鳥。面對工作,我係抱住平安嘅心去做。」