有人話娛樂圈人紅就是非多，其實一個人有冇是非，同本身嘅性格都有好大關係，好似公仔箱啲姐仔咁，好多上咗位做一姐之後，身價唔同咗，講句嘢都真係大聲啲，之但係未紅時，又點解都會忽然「大鼻」咗？係咪有人撐腰，大家心照啦！

話說被力捧但演技完全唔掂嘅「聰明女」，自從公開戀情後，原形慢慢浮現，同佢打招呼零反應已經係小事，脾氣仲越嚟越大，基本上化妝師、髮型師同服裝師冇人走得甩，通通都俾佢鬧過，聽某品牌高層講，有次搵聰明女拍平面廣告，諗住路經附近就順便同佢打招呼，點知就俾佢聽到啲唔應該聽到嘅嘢。

高層話嗰日去到遇上聰明女準備換衫，佢就同其他同事企喺換衫房三尺外位置閒談，突然間聽到有人大叫，然後話：「點搞呀，試晒身都錯。」高層嗰刻都已feel到唔適合打招呼，於是即閃，事後聽返同事講，先知聰明女嗰日因為着唔落件衫發脾氣，但服裝同事話件衫其實喺兩星期前已試過，突然唔啱身，唯一原因佢聰明女肥咗，試完都冇用。

本欄逢周三刊出

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！