韓國47歲女星李本早前亮相綜藝節目《有按時吃飯嗎》時，突然自爆過去曾被粉絲綁架的經歷，立即嚇親在場所有人。

李本於節目上表示：「因為當時天氣好凍，而拍攝仲有10至20分鐘就結束，所以我叫經理人先上車等，並開暖氣調節車內溫度。點知我結束拍攝、行落樓梯往停車場方向時，我就暈倒並失去記憶。再睜開眼就見自己瞓喺陌生嘅房間內，仲聽到外面有人講嘢，先意識到被綁架。」

李本指聽到外面的人說：「點解將人帶嚟呢度？搞到佢咁辛苦」，所以覺得綁匪應該不會傷害她，就鼓起勇氣走出去。而面前一名男子向李本解釋並致歉：「因為我係你嘅粉絲，結果因為弟弟太錫我，導致咁嘅局面。」李本表示自己聽完男子解釋後沒有太大反應，反而邀對方做導遊帶她去觀光、嘆美食，李本的舉動令在場人士感到驚訝。

李本續指：「點知我返到屋企翌日又發生其他事，我一起身就聽到外面好嘈，發現係『綁匪』男粉絲送嘅超級跑車及信件，佢仲向我求婚，我堅拒多次先令對方死心。」