馬德鐘夫婦噚晚出席尖沙嘴舉行嘅「仁愛堂周年慈善餐舞會2016」，「馬神」馬德鐘跟太太張筱蘭到場時，先幫小朋友買慈善獎券，剛剛跟家人喺美國度假返港，現正洽談工作，未知農曆年會否有時間外出，佢話：「我都想唞埋農曆年先開工，今年都想喺中港拍多啲嘢。」

日前上載跟囝囝馬在驤旅行相，兩父子齊齊騷肌，更被網民讚似兄弟多過父子，馬德鐘開心表示：「先多謝大家0氹得我咁開心，囝囝比我Fit，我都要努力做運動再健康啲。」佢又指囝囝一直都冇女友，而佢個人不抗拒囝囝拍拖，因為年紀開始長大，但先要做好本份專注學業。