政府去年底公佈《香港智慧城市藍圖》，「推手」之一的政府資訊科技總監楊德斌於本月底合約到期後，決定不再約續。他澄清非如傳聞中與創科局局長楊偉雄合作不愉快，又以「合作無間」形容兩人關係。他希望用未來十年再做多一件事，「依家係有少少概念，咁前30年都離唔開科技，相信之後都係」；並寄語新任總監繼續推動香港智慧城市發展，並能與各界多加溝通。

現年53歲楊德斌表示，在決定續不續約時，想到「如果仲有一個最後階段，應該做啲咩，呢個問題我都思考咗好耐」；又指「如果再續任多三年，到時56歲，其實想再做多新嘅發展，可能係時間上未必足夠」，笑言「依家做呢都仲有精力，哈哈，仲有多一個十年去做多一件事」，形容這是「difficult decision」。他稱，未來發展與科技有關，「睇返我前30年同科技係離唔開，相信自己都走唔甩」。

外界盛傳他不續約原因是與楊偉雄合作得不太開心。他回應時指由創科局成立與局長合作至今，「可以用4個字形容，我哋係合作無間」；又指「如果部門想做一件事，沒有冇政策局上支持，其實係攞唔到資源，很多配合要局個邊撐我哋先得」，例如撥款做新項目、智慧藍圖等，「呢啲野局嘅主導性好強，好慶幸局對我哋提出嘅政策、措施上都係非常非常支持」。

作為《智慧城市藍圖》「推手」之一，他坦言三年任內最難忘、具挑戰亦是製作這份智慧城市藍圖，「製作藍圖係喺OGCIO最艱難工作」，因牽涉政府多個政策部門，過程富挑戰性和難度，「好短時間咁消化全球最好城市點樣做，有咩可借鏡、落地」。他透露下半年將有新措施增加，惟待政府適時公佈。

自從中國國務院總理李克強去年推出「粵港澳大灣區」後，推動內地與香港、澳門特區的深化合作，港府不斷「硬銷」為香港帶來新機遇。原來楊德斌的辦公室亦藏有一幅大型廣東省地圖，楊指「張地圖係睇到珠三角、大灣區」，笑言「未話發展大灣區之前，已經掛咗係度」。他指，事緣一次部門之間的交流，在地政總署發現這幅地圖，「張圖係喺好遠嘅角度望埋去，可以激刺思考、新idea」，又指香港應不斷探討大灣區的合作機遇。

另外，辨公室內吸引記者眼球是一幅掛滿約50個活動名牌的牆。楊德斌表示，這些活動名牌是他上任後出席活動所得，「呢個只係部份，儲啲得意啲」，其中不少有紀念價值，包括香港回歸20周年、互聯網高峰會、知識產權國際會議等。被問到離任後會如何處理，他稱「應該成幅會全部拎返屋企掛起」。

記者　張文鈴