【新增短片】
財政司司長陳茂波今公佈補漏拾遺方案擴大預算案覆蓋面，一眾合資格人士即由「N無」頓變受惠者。主婦陳太將會獲財政預算案補派的4,000元，她任職清潔工，月入8,000元，家住公屋丈夫已退休，孩子月入亦只有數千元，換言之一家三口收入合共只有1萬多元，平日不捨得外出吃飯，只能在家煮食，「生活不算好好，但夠食，滿足就得了」。

陳太直指，「今次有得派錢都幾好，會儲起去，4,000無話夠唔夠，有就好了，唔貪心」，她不認同財政預算案早前沒有提派錢而現時才派屬政策混亂，「協議遲咗啫，有好過無，滿足先會快樂」。對於早前政圈吹風，當局會派2,000或3,000元，但最後是派4,000元，她笑指「 當家（政府）梗係慳得就慳， 如果你係一家之主，你話係咪要慳得就慳」，對於真正需要派錢補助的人士，與大學生或主婦同時獲發4,000元，陳太認為難以制定完美條件以決定誰應獲發現金。

主婦吳太雖任職護士，但與丈夫既無物業，又要一同供養4名年老父母，故毋須交稅並合資格獲得4,000元。但她認為「派得好少」，「的確好過冇，但係派得少得滯，幫唔到」，她指會用4,000幫補兒子的讀書開支。對於今次派錢，或有主婦的另一半擁高收入、又有物業，亦可獲4,000元。吳太認為無問題，「我哋家庭主婦都要私己錢㗎」。

不過，她認為陳茂波在公佈財政預算案時不提派錢，現時才補救，可見當局無清楚計劃好便推出預算案，「早就應該做好啲，就唔會要政黨要求做先做，無主動性、無諗清楚做好計劃，DSE又係咁，推出後擔心個個都走去考，先至再修定計劃。今次派錢又係咁，本身話唔派，依家又派」。

《蘋果》沙士15周年系列網站，正式登場：
https://hk.feature.appledaily.com/sars15