韓劇《巴黎戀人》36歲男星李東健，今年2月初先宣佈同T-ara 23歲成員智妍分手，到2月尾李東健已另覓新歡，宣佈與劇集《月桂樹西裝店的紳士們》嘅34歲拍檔趙胤熙拍拖。

李東健同趙胤熙愛得高調，不時放閃，早前又結伴睇音樂劇，友人仲稱李東健係「姐夫」，趙胤熙為「姐姐」，令人懷疑兩人好事近。雖然係唔係結婚都仍屬未知之數，但李東健同趙胤熙就愛得甜蜜蜜，當中趙胤熙嘅好友洪賢熙就喺MBC《Vedio Star》中打電話畀趙胤熙，洪賢熙踢爆話一早已睇得出李東健同趙胤熙有啲嘢，於是直接問趙胤熙，點知趙胤熙就笑笑口否認，到第二日即爆出佢同李東健交往嘅新聞。

洪賢熙更即場打電話畀趙胤熙，趙胤熙被問到有冇因為李東健而感動嘅時候，趙胤熙即sweet爆話：「每日」，擺明讚男友日日都令自己好感動，勁放閃，令現場嘅嘉賓都羨慕不已。

難得生性暴龍哥創科眾籌夢，遭隱世肥報販秒殺！ https://goo.gl/hnEB7D

「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw