喺亞視未拖糧之前，可能冇乜幾多個香港市民會講得出亞生黃集鋒個名，不過自從亞視拖糧，搞到黃集鋒戶口得返$7.9，令佢放上網大嘆生活淒涼，得到唔少網民鼓勵，仲俾吳君如睇中拍新戲做鴨，可謂否極泰來。

黃集鋒由於身材大隻，喺吳君如新片客串做鴨仔，仲被安排同容祖兒跳辣身舞，佢接受雜誌訪問話祖兒甫一見佢就問:「你就係七個九?」估唔到祖兒都「追」得幾貼，又關心佢俾亞視拖糧嘅問題，黃集鋒拍呢部戲每日收過千，仲即日出糧，令佢大嘆:「真係做鴨好過做亞視!」佢仲喺訪問透露入行前試過喺街俾「劉公子」伏過兩次，企喺街隔住條褲都狂影佢下體咁話。

雖然之前佢窮到得返$7.9，不過就咁受人注意，都算係塞翁失馬，焉知非福。