李八方online︱葉劉紅旗袍look送心心賀情人節 邵家臻幫在囚手足送花
葉劉淑儀邵家臻情人節余德寶
武漢肺炎至今未散下,香港人可以點樣度情人節? 新民黨主席葉劉淑儀就選擇着住套紅色旗袍,去餐廳除低口罩影相兼拍片,再上載Facebook分享。葉劉片中話,今日係年初三「赤口」兼情人節,「咁我提醒一下啲情人,今日千祈唔好鬧交啊!就算鬧交,都係『床頭打交床尾和』」。佢又不忘喺IG分享用雙手擺出心心手勢嘅相片,並換上另一件紅色旗袍,問大家鍾唔鍾意佢套衫...
情人節除咗影相拍片自High,其實仲有好多有意義嘅事可以做嘅。前社福界議員邵家臻今日就喺FB,同大家講返情人(Valentine’s Day)嘅源起,其實係一名叫Valentine嘅修士,無懼當時古羅馬暴君Claudius唔准國民結婚嘅命令,為人民秘密主持婚禮,最終因此被捕並處死。世人為咗紀念Valentine勇敢抗爭精神,就將每年2月14日定為Valentine嘅紀念日(Valentine’s Day),象徵每個人都應該勇敢地追求愛情、相信愛情。
阿臻話,情人節現時變質成為窮人同單身人士嘅「懲人節」,但節日嘅初衷其實係「以愛情戰勝暴政」,透露佢創立嘅囚權組織「石牆花」,年年都有幫在囚手足送花傳愛,希望做到「以愛情穿透監獄」,今年佢哋就代在囚手足送上10幾紮花嘞。
邵家臻今日喺FB透露佢創立嘅囚權組織「石牆花」,年年都有幫在囚手足送花傳愛。邵家臻fb圖片
石牆花今年情人節為在囚手足的伴侶送上鮮花與本地朱古力,朱古力是本地朱古力師特製。Mee 懲罰師FB圖片
另天水連線亦與良心花店化身一日丘比特,代牆內手足向牆外的另一半送出手工花束。天水連線FB圖片
黃店「一日三餐」老闆、公民黨副主席譚文豪,今日就搵埋該店另一老闆林瑞華,喺該黨油尖旺區議會副主席余德寶安排下,去咗海富苑海泰閣探訪獨居長者,送出近百份招牌雞飯比老友記,希望一班老友記喺情人節都感受到溫暖。
譚文豪同林瑞華喺余德寶安排下,去咗海富苑海泰閣探訪獨居長者,送出近百份招牌雞飯比老友記。余德寶fb圖片
-----------------------------
-----------------------------