地產多聲道：
逸澄閣示範單位花多眼亂
蘋果日報 2003/07/18 08:00
「芭蕾舞藝」為題嘅單位，專程請來舞蹈員示範。- Yumiko
香港興業賣樓，向來都鍾意整幾個示範單位，等買家有多啲參考。今次推出愉景灣海澄湖畔二段逸澄閣單位亦唔例外，除咗喺碼頭搭咗一個示範單位外，重喺閒澄閣整咗八個唔同主題嘅示範單位，個個都有特色。
發展商重特別搵咗幾位「模擬屋主」助陣，以唔同嘅造型出現，襯番間屋嘅設計。其中一個以「芭蕾舞藝」為主題嘅複式單位，將房間改裝成小型芭蕾舞室，重有一位舞蹈員在場示範。
另外一間就以「寰宇遊迹」做主題，助陣嘅屋主就係一位黑人旅行家，個單位就充滿非洲feel，有仙人掌、羚角等裝飾，當作旅遊戰利品。其他模擬屋主包括外籍收藏家同導演等。
示範單位可以表現唔同文化藝術，配合番愉景灣住客一貫特色，容納唔同國籍住客。
映濤軒展場移師紅磡
長實映灣園二期映濤軒，推銷基地一直喺中環和記大廈。為咗進一步標榜物業由東涌到尖沙嘴只需十九分鐘，聽日就衝出中環，喺紅磡國際都會商場，搞個「19分鐘都會穿梭」展覽，重會有歌星載歌載舞助興。明日請嚟人氣女歌手Yumiko同埋Double-R又唱又跳。
除咗現場有專人介紹物業之外，參觀嘅市民有機會攞獎品，包括一百蚊海逸酒店餐飲券、二百蚊百佳購物現金券、一百份家庭電器同限量版HelloKitty禮盒。現場重有抽獎，睇樓人士只要選出最鍾意嘅會所設施就可以參加。
展覽日期由聽日到下個月一號，據聞，現場會整攀石競技場，請留意節目表。
發展商重特別搵咗幾位「模擬屋主」助陣，以唔同嘅造型出現，襯番間屋嘅設計。其中一個以「芭蕾舞藝」為主題嘅複式單位，將房間改裝成小型芭蕾舞室，重有一位舞蹈員在場示範。
另外一間就以「寰宇遊迹」做主題，助陣嘅屋主就係一位黑人旅行家，個單位就充滿非洲feel，有仙人掌、羚角等裝飾，當作旅遊戰利品。其他模擬屋主包括外籍收藏家同導演等。
示範單位可以表現唔同文化藝術，配合番愉景灣住客一貫特色，容納唔同國籍住客。
長實映灣園二期映濤軒，推銷基地一直喺中環和記大廈。為咗進一步標榜物業由東涌到尖沙嘴只需十九分鐘，聽日就衝出中環，喺紅磡國際都會商場，搞個「19分鐘都會穿梭」展覽，重會有歌星載歌載舞助興。明日請嚟人氣女歌手Yumiko同埋Double-R又唱又跳。
除咗現場有專人介紹物業之外，參觀嘅市民有機會攞獎品，包括一百蚊海逸酒店餐飲券、二百蚊百佳購物現金券、一百份家庭電器同限量版HelloKitty禮盒。現場重有抽獎，睇樓人士只要選出最鍾意嘅會所設施就可以參加。
展覽日期由聽日到下個月一號，據聞，現場會整攀石競技場，請留意節目表。
八達通除咗搭車買嘢，重可以用嚟出入大廈同繳費，今年初用嚟出入大廈嘅住客都只係得兩萬三千個，噚日八達通行政總裁戴勇牧講，人數已經增至約七萬人，多咗兩倍。
聽講𠵱家唔係咁多人知道，原來所有設有八達通嘅商戶，都可以提供增值服務，所以八達通就搞咗個「連環送大禮」活動，等多啲卡主可以認識邊啲商戶可以用八達通。明年就搞個用八達通儲積分計劃。
另外，八達通同內地湖南長沙市合作，推出一套參照香港嘅八達通電子收費系統，叫做「易達通」。唔知遲吓喺內地，八達通會唔會搞埋屋苑出入管制系統呢？
近期市民開始收到政府嘅退稅，零售商戶或商場大業主趁機會搞活動或優惠，催谷消費。信和大角嘴奧海城就舉辦「舞照跳、戲照睇、錢照洗」大行動，喺八月搞舞蹈同瑜伽班。
由周末起，喺商場消費滿三百蚊（一期一百蚊同二期二百蚊），就可免費換取「人妖打排球2」嘅換票證一張。
喺九月一日前，逢周一至五晚六點後，喺商場多間食肆晚膳，會有特價美食或者折扣優惠。
而七同八月生日嘅人士，九月一日前喺商場食晚飯（非公眾假期嘅周一至周五），累積消費滿一千蚊，憑至少兩張但不多於四張嘅不同食肆發票，可以換到價值六百八十八蚊嘅「信和吃喝玩樂生日籃」一個。至於喺屯門市廣場同柴灣藍灣廣場晚膳嘅發票都一樣適用。
另外，早前提到先施本月推出嘅退稅增值優惠，佢哋補充，購買現金券獲送嘅金額，冇使用時間限制，但免費換取嘅優惠券，有效期到今年十一月底。
蘭西
電郵地址：