無綫劇集《心路GPS》雖然已經大結局，但唔少網民同觀眾都大呼受不了，除咗結局非常老土「估到晒」之外，男主角陳展鵬周旋於兩個女人﹕生母陳秀珠及養母李司棋之間嘅複雜三角關係，唔少觀眾都話over咗。

雖然陳展鵬陣亞視除未脫清，但喺無綫的確係一劇接一劇，有指佢仲係無綫監製王心慰愛將，自然備受力。今日陳展鵬都有份出席香港國際影視展，原來佢有三劇在手，包括《情越海岸線》、《單戀雙城》及重頭劇《巨輪》，同一線中生黎耀祥睇齊。

陳展鵬都話自己喺無綫真係好多機會，仲比喻為「亂世出英雄」﹕「因為無綫多人流失，我先至有機會，不過我有咁多劇，都驚觀眾睇到膩，好彩套套種類都唔同。」種類雖不同，但TVB嘅劇，咪又係咁樣………



「第八屆金話梅電影選舉」又嚟喇。今年除港產片有獎攞，仲增設「最爛合拍片」獎。栢芝憑四套電影入圍「最爛女主角」，應該冇得輸。大家快快投票啦，結果將於4月12日在《蘋果》娛樂版揭曉。

公投網址： http://facebook.com/AppleDailyGoldenPlum