韓國嘅中國籍雙胞胎男團Tasty去年7月單方面宣佈向所屬嘅Woollim事務所以及母公司SMC&C解約，今早首爾中央地方法院就駁回Tasty提出嘅所屬合約無效確認申請，又判決訴訟費用由原告方面承擔。

Woollim方面就表示：「Tasty提出嘅合約無效確認已被法院駁回，之後公司將追究Tasty違約嘅法律責任。希望今次事件能對中、韓之間正確及透明嘅文化交流有所幫助。」