李家鼎（鼎爺）今日喺工展會出席「終極小廚神爭霸戰」，鼎爺嘅女友、女兒同孫女都有到場，佢指孫女有學煮嘢食，第一樣就係整西多士，仲整得好好味，好有天份，不過講到佢兩個仔李泳漢同李泳豪，鼎爺話：「大仔煮西餐ok，細仔就一兩樣，但係佢哋驚揸刀。」有鼎爺煮，佢哋唔憂食？鼎爺表示：「呢個唔係問題，係佢哋興趣唔大。」大仔有太太照顧嘛？鼎爺笑住話：「最弊o依家有95%都係『無飯煮婦』呢！」怕唔怕廚藝失傳？鼎爺指：「冇話失唔失傳嘅，唔明咪問我囉，我一啲都冇保留。」

講到噚日冬至，鼎爺表示已提早同家人食飯做節，佢話：「噚日喺舖頭幫人做冬，聖誕節？我哋都係用中式食材，佈置都係中國式，我哋係懷舊粵菜，除非你訂一圍有特別要求，冇所謂，但我唔會為你佈置，我試過遇到一個客人，佢要求我做鴨腿湯飯，個客話佢食番40年前嗰種回味。」

更多娛聞，喺晒《娛果》
http://fb.com/appledailyent