巿民不滿特首力撐「港版國安法」，網民今日發起港島大遊行，再爆出警民衝突，防暴警在銅鑼灣和灣仔出動拘捕大量年輕人，網上瘋傳有一名孭着長槍的防暴警在執勤時，可能天氣熱口渴，他走入便利店隨手在雪櫃拎完樽裝凍飲，還向疑似收銀員方向揚一揚手中飲品，示意要取走飲品，片中未見他有付錢便離開的畫面，顯得「老馮」。

才子陶傑今日在FB分享該段短片後，寸爆那位飲嘢唔畀錢的防暴警：「雖然我知有《國安法》撐你，阿Sir，係要畀錢的。個個警察係咁，咪即係帶頭搶掠？」有網民在陶傑FB留言揶揄那位口渴的防暴警，「佢應該攞冰唔係攞水囉」、「今次攞支水，下次經過金舖攞塊金條」、「雖然一支水，就已經看到警察紀律如何，鄧炳強你又點解釋，國安法在 香港 還未實行，差佬就如土匪一樣」、「要感謝香港皇軍侵略香港」。

網民紛紛鬧爆橫行霸道的克警，香港警察FB網頁即就此事解釋：「【澄清：警方已為警員於便利店取走的樽裝飲品付款】網上流傳一段影片顯示，一名警員在銅鑼灣一帶執法期間，曾經進入附近一間便利店取走一樽飲品後離開，過程間沒有付款。警方澄清，警方已經向店舖付清相關樽裝飲品的費用。」網民不滿克警先飲後畀錢，也在貼文下留言：「算把啦 咁樣之後先畀錢都得，咁冇人犯偷竊罪啦onX」、「後計唔當偷竊」、「便利店可以後數㗎？你由拎出門口嗰一刻已經係打劫喇！知法犯法」。

陶傑其後再轉貼警方澄清，說事件反證言論自由對香港法治的重要，又指梁愛詩、梁振英之流輪流出口術指香港警察無能力處理國安事務，「國安辦」勢必成立，會否影響外商對香港一國兩制的睇法，他抽水指林鄭與香港警察無能力處理此等複雜問題，但就今次偷水事件，他說：「香港警方畢竟有能力處理一瓶飲品的付款，在香港社交媒體與網絡仍然可以流通的今日，值得歡迎。」