韓劇《Oh My Venus》女星申敏兒，自從男星金宇彬宣佈患上鼻咽癌後，申敏兒就未有更新Instagram及出席公開活動，專心照顧男友。

而金宇彬早前已結束第一次抗癌治療，現時健康有好轉，見男友情況好轉後，申敏兒就開始多返啲拍攝工作，早前已非常勤力地拍完廣告及雜誌相，今早再被影到跟經理人低調現身機場，未知係唔係去海外進行拍攝工作。

於公開嘅照片中，穿上長褲及波鞋嘅申敏兒以悠閒造型現身，未有刻意戴上口罩或帽遮樣，一路上跟經理人有講有笑，而且精神依舊唔錯。