昨晚一路轉播杜拜世界盃賽馬日到凌晨，呢日下午再播日本高松宮紀念賽受注。結果上個月尾至約滿離港之意國型男杜滿萊，又喺香港馬迷面前展現贏馬雄姿，佢以全場唯一非日本籍騎師身份上陣，夥拍由練馬師宮徹訓練之次熱門「李察先生」留到拉士百幾米，從中檔後發先至話過就過，以輕鬆姿態贏得呢項國際一級賽冠軍，Q搭冷門「瑞草祥龍」，第三名由大熱門「真誠少女」攞到。杜滿萊揚威高松宮表現譽滿欄邊，佢喺日本客串多年，一直表現出色，當地有好多粉絲，賽後全場馬迷為佢歡呼喝采，場面哄動。