彭浩翔早前為新加坡導演巫俊鋒監製咗一部電影《身後仕》，借一名新入職擔任死刑副執行官艾曼，講述父子情同對死刑嘅批判。呢套戲同時入圍2016年康城影展嘅一種注目單元(Un Certain Regard)項目，今日新加坡方面宣佈，挑選《身後仕》代表新加坡爭逐入圍來年奧斯卡最佳外語片。

彭浩翔接受《蘋果》訪問時笑言：「減定肥做定衫！好期待好期待佢哋入到圍啦，因為部戲真係好好睇，如果入到圍，咁拍緊嘢都要飛去參與。」

《身後仕》片會先喺亞洲電影節放映，10月底喺港上映。