【搵食艱難】張松枝降價見工被拒 麥長青靠朋友搭路做速遞
麥長青張松枝
人到中年有危機?ViuTV製作實況節目《中佬唔易做》為男性解開疑團,節目邀請了平均年齡40歲以上堪稱「中佬」的男人,以人到中年轉職做主題,分享自身背景和如何經歷辛酸。
昨晚播映首集,由麥長青(麥包)和張松枝兩位中佬做主角,講述二人由藝人轉職遇到困難,麥包本住「朋友多,肯幫拖」的想法,透過好友游颷介紹轉戰去物流業做速遞員,他坦言:「曾經做過好多唔同嘅行業,做生意、餐廳、小販、砌傢俬好多好多,以前唔覺得有負擔,但而家小朋友想讀大學,學費支出各樣都好多。」他透露以前只要肯做就一定有出路︰「但現時肯做都未必有得做,大家面對結業、失業都有壓力。」節目中他在就職前,要先進行一個半小時培訓上堂,但麥包竟然瞌眼瞓,並笑指:「讀完藝員訓練班之後,已經冇上過堂。」
此外,現年51歲的張松枝在節目中致電應徵業務助理,但他介紹完自己後被cut線,之後再致電應徵保安員,但發現入職做保安要有證書及讀過相關課程時,失敗而回。節目最終安排他去應徵做電視銷售營業代表,面對重重困難,松枝抱住樂觀心態稱:「我學嘢好快,唔係有經驗就得,社會上好多有經驗嘅人,都做得好差,經驗是小信心是大。」
當提及到男性面對中年危機,他則說︰「冇乜感覺,每個人都面對緊,點解要驚?」當年的松枝時常擔任MV男主角,作品超過一千個。他父親曾在石澳經營酒樓,他帶劇組重遊舊地,石澳也是他當年拍MV的熱門地方,松枝回顧過往拍MV擺出的經典pose即笑言:「到而家我都覺得好假。」
-----------------------------
打國際線 《蘋果》英文版免費試睇
按此了解更多 英文版已登錄新版《蘋果》App
按此下載/更新 張松枝帶劇組來到以前拍MV的熱點石澳。(電視截圖)