韓劇《家和萬事成》36歲女星金素妍和同劇37歲男星李尚禹噚日拉埋天窗舉行婚禮，婚禮以非公開形式進行，只邀請家人同朋友參加。

由於傳媒冇得入場，所以一對新人都好識做，今日就公開咗婚禮現場照片，只見一對新人喺佈置優雅浪漫嘅禮堂行婚，禮成之後更情深咀嘴，唔少賓客事後都有上載現場照及合照上網，分享呢對新人嘅喜悅。