【最新圖片】洪天明現身稱誤會:我冇對太太做任何背叛嘅嘢
洪天明周家蔚
洪天明日前喺上海蒲夜店後,拖女上酒店房,今日下午兩時半,太太周家蔚離開將軍澳村屋時,表示對老公100%信任,稱係因為飲醉酒,一場誤會。
相隔一個多小時,洪天明亦由大陸返香港,由司機接載坐七人車返抵,拎住一個大行李入屋內。
洪天明同太太同徑一致,都話係「一場誤會」,一口氣講咗兩分鐘。他稱:「冇乜特別回應,因為呢件事唔係大家想像咁差嘅嘢,一場誤會囉。但睇到影響都幾大嘅,啲網民已經當咗件事,係嗰種諗法嚟,一定係標題嗰樣嘢啦。」
期間洪天明一直雙手插袋,有時又舉起手有啲小動作,但當講到「真係誤會」時,但不自覺地垂下了頭:「真係誤會囉,我就冇對我太太做出任何背叛嘅嘢,我希望大家....er....最重要我屋企人信心先啦,同埋朋友都好支持。」
天明最後謂:「我再一次多謝傳大家嘅體諒,我見大家其實都辛苦啦,都唔算push得我好犀利。點解我唔想回應,因為覺件事唔係真嘅發生嗰件事,唔係咁壞嘅事情,我覺得唔需要再回應,所以我就冇回應到。今次解釋,講完後唔好再影響我屋企,我都有檢點嘅地方,有地方要去change,向所有關心我、所有朋友交代一聲,講聲『對唔住』。」