騎師田泰安於昨日（18日）的打吡賽日中，多次上名但未能在今季最重要賽日中贏馬，認真欠運。

不過，他於今期（21日）夜戰一共有七匹戰馬上陣，今早更為當中頭場「搖錢樹」、第二場「驫驫」、第四場「喜菜」及第五場「越感」，親自摸過一課，備戰態度極為認真。

其後，他於烽火台手持望遠鏡，遠距離睇馬匹操練情況，仿似一副練馬師模樣，不知他對哪一匹馬有興趣呢？

說回馬匹，第二場「驫驫」上兩仗取得冠亞各一，但贏馬拍檔巴度已離港，而郭能則為「海龍」上陣，最終帥權落入安仔手中。

過往安仔夥拍「驫驫」兩次，曾跑入一席季軍，默契肯定沒問題，且看今仗在四班1200米能否再下一城。