《星球大戰：最後的絕地武士》今日就正式上映，一班Fans已經準備好去睇，而《蘋果》都嚟一個率先劇透，先解開大家心中最大嘅謎團！就係Rey嘅身世係咩？同埋 Kylo Ren嘅成魔之路。

如果你唔想睇到劇透，呢個係離開呢段文章嘅最後機會！

去到呢度，大家都準備好睇劇透喇！
喺上一集《星球大戰:原力覺醒》入面，就講到Kylo Ren係喺Luke嘅指導下，變成咗Snoke嘅徒弟，仲好憎Luke，但就冇講點解，而今集就解釋咗喇！原來Luke喺第六集之後，開咗一間Jedi學校，仲有幾個徒弟，Kylo Ren都係其中一個，不過當時Snoke已經接觸過Kylo Ren，令佢慢慢走向黑暗面，而有一晚Luke感覺到Kylo Ren嘅黑暗面好強，下意識拎起咗光劍(把光劍係第六集嗰把綠色光劍)想殺Kylo Ren，但Luke即時收咗手，不過都太遲了，因為Kylo Ren醒咗望到，佢心中諗到嘅就係一個師傅想殺咗自己，於事佢就還手打暈咗Luke，Luke醒返嘅時候，Kylo Ren已經燒咗間學校、殺咗佢幾個徒弟、又帶咗幾個走，Ben Solo正式成為Kylo Ren。

另一個最謎就係Rey嘅身世，Rey射擊又得、又有原力、駕駛技術仲幾好，好多人都諗佢係Luke嘅女，不過事實唔係咁，喺Rey同Kylo Ren對打嘅時候，Kylo Ren話知道Rey嘅身世，仲話Rey自己都知，只係唔肯講出嚟，答案係：普通人，Rey嘅父母係一對好普通嘅普通人，為咗錢而賣咗Rey，所以Rey嘅身世其實好普通，但佢原力就好強，點解會咁呢，今集就冇解釋，或者之後都唔會解釋。

更多娛聞，喺晒《娛果》
http://fb.com/appledailyent