人大常委會周五通過《國歌法》草案，於10月1日起實施，並會通過《基本法》以本地立法形式引入香港。江西政協、本港前藝人鄺美雲為梁粉網媒《港人講地》拍片護航，批評噓國歌的球迷不尊重國歌，「有啲人鍾意反叛，或者覺得咁樣幾有型，總之我就同你唔一樣……我唔知呢啲係咩心態」，但「點樣唔一樣，你照下鏡，你係中國人」。

雖然新民黨立法會議員葉劉淑儀笑言「我都係用廣東話唱（國歌）咋喎……喺香港」，但鄺美雲批評有人「你自己國歌你都唔唱好，你想唱咩國歌呢？你唱人哋嗰隻，係咪先？」鄺聲言，不尊重國歌，亦即不尊重國家、不尊重自己，「我想話畀大家聽，尊重自己嘅身份，尊重自己係一個中國人，你要感恩呢樣嘢囉」。