四位得獎香港小姐包括冠軍朱晨麗、亞軍朱希敏、季軍許亦妮和國際親善小姐梁麗翹日前應邀到美國列根號航空母艦作親善訪問，還有宋熙年擔任是次探訪的主持及採訪，宋熙年說：「好似成班人去旅行咁，入面好大，好易會迷失路。」
今次應屆香港小姐成為唯一的香港媒體可以深入探訪美國列根號航空母艦的各個區域，一班港姐除了見到很多高大有型的軍人，還親眼目睹艦上的新型戰機，這個難能可貴的經歷令她們畢生難忘，冠軍朱晨麗說：「我知道呢艘母艦係會用作緊急救援，剛剛日本地震，呢一艘航空母艦都有去到當地幫手，所以我覺得呢艘母艦同我哋香港小姐都有共通點。」

同情軍人離鄉別井

亞軍朱希敏見到一班軍人，感覺到有一種失落感，她說：「我哋認識到一班軍人，覺得佢哋好人性化，佢哋成日要行船，見唔到屋企人，又冇乜機會同屋企人聯絡，相信佢哋會係好掛住屋企人。」季軍許亦妮第一個感覺好特別，她感到好驚訝，她說：「估唔到船上面係有咁多女軍人，我仲以為大多數都係男人。」梁麗翹表示自己的表哥是空軍，她曾經去過參觀空軍，她說：「不過都冇今次咁近距離可以見到咁多戰機。」
採訪：楊潔雯