當年今日
關於我們

【識英雄重英雄】趙本山瀋陽老家設宴 梁小龍夫婦陳惠敏獲邀款待

蘋果日報 2018/12/25 21:30

陳惠敏梁小龍趙本山

梁小龍早排微博被盜用,「撰文」同第三者表白,搞到佢幾乎家變,好彩老婆宋驤信佢(新聞連結: https://bit.ly/2V5EpYK ),先平息到風波。噚晚平安夜,大陸有一位製片放咗兩張相出嚟,相中可見被喻為「東北土皇帝」嘅趙本山,喺瀋陽家中設宴,梁小龍夫婦、陳惠敏都係座上客,雖然唔知餐飯係咪真係噚晚食嘅,但見到各人都食得好開心,睇嚟佢哋好盡興。
見到呢個組合,可能有唔少人都會覺得奇怪,但其實佢哋早已認識,據講陳惠敏同趙本山感情唔錯,如果去開瀋陽都會搵佢食飯,而梁小龍早排同狄龍都去咗瀋陽拍趙本山監製嘅網劇《鄉村愛情11》,個網劇上個月先至拍完,正因為梁小龍同趙本山好投緣,所以個劇完咗,趙本山都要請佢嚟屋企食飯,梁小龍仲帶埋老婆去,證明感情未受「第三者」影響。
可能因為天氣太凍,佢哋坐喺炕上吃,邊食邊取暖,見到滿枱都係餸。而枱上宴客嘅,唔係飲東北人喜歡嘅五糧液或茅台,反而係大家係飲紅酒,聽講因為趙本山近年身體狀態冇以前咁好,飲食要注意,酒精濃度太高嘅酒可以少飲就少飲,所以佢都錫身,改飲酒精比較低嘅紅酒。
精選娛聞,喺晒《娛果》
http://fb.com/appledailyent
empty
噚晚平安夜有製片喺微博放咗梁小龍、陳惠敏喺趙本山屋企食飯嘅相出嚟。(互聯網照片)
empty
趙本山依家喺屋企請客都係飲紅酒,比較錫身。(互聯網照片)
empty
瀋陽天氣太冷,趙本山同陳惠敏都係坐喺炕上食飯取暖。(互聯網照片)