當年今日
關於我們

  曾鈺成爆特首出缺玄機 - 李八方

蘋果日報 2005/01/04 08:00


行會成員曾鈺成噚日喺明報寫咗篇文,提到特首出缺嘅問題。
曾鈺成話,嗰八百個選委嘅任期去到今年年中就完,但煲呔曾嘅政改時間表,就要等到下年先選出新一屆選委,如果出現特首出缺嘅情況,而新一屆選委重未選到,咁到時點搞呢?
曾鈺成喺篇文度就特登強調:「我在這裏完全無意猜測行政長官缺位的可能性。」要出現出缺呢個情況,一係老董辭職、一係老董保外就醫等等,機會有幾大,相信讀者心裏有數。曾鈺成探討呢個問題,重特登講到「無意猜測」,唔知佢係咪知道咗一啲玄機呢?
政制事務局發言人同八方講,總之就係明年先立特首選舉嘅立法。據八方了解,政府其實唔想搞多次選舉嘥錢,因為冇乜可能出現特首出缺嘅情況,而且一旦出缺,就可以搵煲呔暫代,點都唔會出現權力真空。



傳真︰2623-9278
電郵︰[email protected]