多名民主派議員就朱凱廸被DQ村選參選資格一事，在立法會答問環節向特首林鄭月娥抗議，3名議員被逐，主席梁君彥腰斬答問環節。被逐離場的民主派會議召集人毛孟靜會後指，自己進入會議廳後不足十秒，其間只說過「可恥」兩字，即遭梁君彥不予警告下，下令驅逐離場。毛孟靜批評，梁君彥做法明顯濫權，「大家都睇到呢班建制派擦鞋仔，喺議會係完全為所欲為」。

毛孟靜表示，今日行動是想聲援朱凱廸，抗議林鄭政治審查選舉，批評工聯會稱要盡快修改議事規則是「左毒上腦」，是試圖想立法會「人大化」，「所謂規矩係大家只准舉手，政府話乜就乜，令香港立法會現時真係淪陷到就嚟沉底」。

會上同樣被逐的朱凱廸則指，感謝民主派今日一齊反對政治審查選舉，「我好希望同呢班保皇黨講，香港人嘅政治參與權利，同埋民主派議員喺議會發言嘅權利，係唔需要乞求佢哋嘅，香港人的自由係唔需要乞求共產黨同林鄭月娥先有，係我哋本身就應該有」。朱批評，建制派的邏輯，如政府今次政治審查選舉一樣，是要求民主派「跪低就可以選」，「我哋幾時係要去乞求林鄭月娥，幾時要去乞求個選舉主任，要跪低過關，先可以覆行我哋嘅政治權利呢？香港人唔應該低頭，民主派亦都唔會低頭」。

公民黨議員郭家麒指，今日造成答問環節被取消，是因為立法會主席梁君彥不作警告下，即極速驅逐民主派議員離場，「今次梁君彥的做法，係前所未有，可能佢太想保護林鄭月娥」。郭家麒又指，現時建制派夠票進行任何議事規則修訂，「依家係梁君彥做得好錯，然後建制派用議事規則，去更加包庇梁君彥」，批評建制派是想令立法會進一步噤聲，「到咗立法會都完全無表達自由，香港就真係玩完」。

民主黨議員尹兆堅亦批評，梁君彥今日是「皇帝唔急太監急」，護主心切，想令林鄭免於尷尬，形容梁君彥今日尺度「係呢兩年幾以來最嚴」。民主派議員區諾軒則形容，工聯會的說法，是想在立法會「搞盧溝橋事變」，只是想用藉口，去進一步扼殺立法會的職能和尊嚴，做法絕對可恥。