當年今日
關於我們

認真旺!呢對騎練又合作起孖

蘋果日報 2014/05/10 06:00

信是有緣事事如意認真旺!呢對騎練又合作起孖

高伯新同杜利萊呢日贏「蜚聲國際」、「神奇小子」,跑完第三場已揸住個孖喺手,第六場處心積慮搏隻冷門「白鷺高飛」求中三元,不過郭能唔放過佢,騎住姚廐隻當弗馬「信是有緣」用後勁鬥贏「白鷺高飛」,摘下施偉賢盃;連同第五場合作勝出之「事事如意」,郭能同好拍檔姚本輝繼上次日賽「百勝不厭」、「海洋活力」後再次起孖,威水程度拍得住高伯新同杜利萊呢個歐洲組合。
「信是有緣」係上季瘦肉精風波受害者之一,今季初亦試過疑似不公平出閘而當輸冇水回,早排卒之由郭能贏千四開齋,上鋪開始加程跑千六,表現更上一層樓,連續兩場非冠即亞入晒Q。馬主冼鏡煜以前養過短途王「蓮華生輝」,今季未完已經憑「信是有緣」擸咗兩筆頭馬獎金,佢嘅養馬運依然喺度!