梁秉中又批評，政府與內地沒預先協調口岸的相關安排，「17年前未有大灣區，只有珠三角。當時話如果再發生疫情的話，珠三角不同嘅口岸，其實等於現在嘅大灣區，最好有一個同香港協調、互相抗疫、阻截、互相訂立一啲原則，邊一類人士放行，邊一類人士唔放行。如果有呢樣嘢，咁就大家都好，整個珠三角都得益，𠵱家冇將呢樣措施套入大灣區，一樣係各自為政」。
對於港人搶米搶廁紙瘋潮，梁秉中說，以普通醫生角度分析，香港並非今次疫症源頭，認為港人過度恐慌，「恐慌係正常，但對比當年沙士喺4月1日出現搶米，當時香港有九百幾人確診，但今次搶米當日香港不足20人確診，反映係誤解同恐慌，冇理性分析同睇政治形勢，驚過龍」。他認為應吸取沙士經驗，「點解唔睇17年前香港經驗，我哋未喺慘劇當中」。
■記者謝明明