周日奧地利乒乓球公開賽，中國新星孫穎莎夥拍陳幸同出戰女雙決賽，開賽初段一度落後日本組合橋本帆乃香/佐藤瞳局數1比2，但佢哋頂住壓力連追兩局12:10、11:4，終以局數3比2險勝，贏得冠軍。

至於兩項單打就同時上演中國內戰，林高遠喺男單決賽以4:1贏閆安封王，而王曼昱喺女單決賽則以直落四盤橫掃顧玉婷稱后。男雙方面，日本組合丹羽孝希/上田仁喺決賽以3比1輕取德國組合費路斯/禾化得冠軍。