韓劇《急診男女》嘅32歲女星Clara(李成敏)一向行性感路線，佢亦好大方，平日都愛着性感服飾示人，所以深得男性粉絲支持。

而佢平日就最愛喺Instagram同微博晒相，同粉絲分享，好似佢日前就上載咗一段食緊雞沙律嘅短片，當中網民嘅焦點都唔係放喺碟沙律身上，而係放喺佢件衫身上，事關Clara當日着住一件超性感嘅上衣，佢件衫個Deep V開到落肚臍，而中門大開嘅位置就有交叉繩子支撐住，基本上只要斷咗一條線，Clara就一定春光乍洩。

網民見到佢咁性感都紛紛讚佢好性感，但有網民就留言直認：「全程看胸」，有網民更留言話需要一把剪刀，用嚟做乜？大家都估唔到啦。

相關片段： http://bit.ly/2xsBmi3