唐英年及梁振英昨日出席公開活動時，不約而同拒評吳康民言論。梁振英昨日出席教協活動前後，也不回應大財團是否干預特首選舉，重申會繼續努力爭取選委支持，「我唔會分析呢啲問題，不同人對形勢有不同解讀」。
唐英年未有正面回應得到首富李嘉誠等人支持，是否對自己有利，笑言「我有好多朋友都支持我」，又指「發展商唔會有咁大力量」操控特首選舉結果，否則就不尊重1,200名選委成員。
有政界人士指出，吳康民言論表面上不利梁，「好似講到地產商反對下，佢（梁振英）冇機會入閘」，但實際上是暗撐梁「入閘」；除令中央要梁「知難而退」更困難外，也對唐英年造成打擊，「若果梁拎唔到150個選委提名，外界會覺得係地產商出手阻攔，保住唐英年，未選到已經有個同地產商勾結嘅罪名！」民主黨主席何俊仁認為，吳的言論把特首小圈子選舉、受商界操控事實赤裸裸呈現。
《蘋果》記者