噚晚電影《永遠的愛麗絲》喺圓方首映，邵音音帶埋80幾歲嘅媽媽到場，音音姐話因為下星期個女結婚，所以媽媽返嚟香港。

問到佢老朋友何家駒近日過身，「演藝人協會」有冇伸出援手?音音姐話其實佢都唔了解呢件事，都係記者講先知佢過身。再追問「演藝人協會」有冇幫手，音音姐就語帶不屑話:「我唔知，你哋問返陳芷菁，我冇返去開會唔知。」已經再冇理個會?佢話:「係冇人通知我開會，連秘書都換埋，自己乜都唔知。」似乎音音姐對於上年陳芷菁被指濫權騎劫「演協」仍餘氣未消。

邵音音話同「大咪」都熟，後生經常一齊拍戲，近年見到會笑下，佢話「諗唔到佢咁就走咗」，問近年有否合作?佢話：「呢兩年冇撞過，幾年前喺party見過，近年嘅人真係走得好快。」


上年「演協風波」相關報道：
http://hk.apple.nextmedia.com/entertainment/art/20140114/18591191