當年今日
關於我們

隔牆有耳:阿蘇復出即縮沙 - 李八方

蘋果日報 2009/08/15 00:00


商務及經濟發展局阿蘇副局長自派片風波後閉關多時,噚日終於蒲頭,出席一個電台節目同政黨第三、四梯隊人物辯論,海軍鬥水兵口水戰無甚瞄頭,八方聽聞噚日本來由社民連季詩傑單挑阿蘇,但可能有人擔心社民連火力太猛,轟到阿蘇落花流水,所以易將上陣,幫阿蘇搵個旗鼓相當對手互噴口水,否則攻勢一面倒亦唔過癮。
收天價人工嘅副局、政助上任一年,不過民調顯示佢哋知名度仍然極低,86%人唔知道任何副局長名字,阿蘇有3.1%知名度,竟然已經係「一哥」,其他人形同透明,做人有時低調係好,不過做官低調到玩隱形,何必從政?