「走廊奔跑隊」就並唔係跑走廊嘅,而係日本女子組合AKB48旗下嘅分隊。最近佢哋就驚傳會喺年底解散,結束為期五年嘅團體活動喇!消息傳出咗之後,官方都未有說明解散原因,不過外界就係咁推測,話可能係佢哋團員之間嘅感情失和有關。因為「走廊奔跑隊」成日有成員替換,加上渡邊麻友同多田愛佳之前就傳過不和囉!
據日本媒體報道,「走廊奔跑隊」目前係由渡邊麻友、平琼夏海、岩佐美咲、浦野一美、仲川遙香、多田愛佳、菊地彩香組成。出道至今成員走嘅走,今年八月之嘛,小森美果就閃電宣佈引退,最後只係剩低7位成員。佢哋自2012年5月推出單曲《少年喲說謊吧》之後,就再冇新作品問世,不過唔使灰,佢哋會係聖誕推出告別單曲,正式結束五年團隊生涯呀。