今年兩位視后大熱楊怡同徐子珊一齊出席活動，不過子珊o既低胸裝打扮就明顯先贏一仗。講到今年視后之爭，佢兩個都話係良性競爭，所以見面都唔會尷尬。

噚晚楊怡冇出席台慶，佢就話係因為之前腳傷，所以選擇留係屋企睇，仲唔怕會影響拎獎機會添，佢講笑話：「如果有獎拎，趷住腳都上台拎。」另外，有傳高海寧俾殼王陳國強點燈令徐子珊失勢，子珊就話自己唔信傳聞，而自己之前既新聞都係假。