日本波霸小池榮子同舊東家對簿公堂，佢更被追討多達1,200萬日圓（約85萬港元），令小池榮子同老公坂田亘隨時陷入財困危機。

小池榮子兩年前離開前事務所Yellow Cab，當時開設個人公司作獨立發展，由前格鬥家丈夫坂田亘擔任社長。不過榮子結束合約離巢，卻被事務所索償85萬港元「補償金」，坂田亘曾表示會分期支付，而兩年來坂田亘未有兌現承諾，唔止一蚊都冇賠償，佢更向傳媒表示已跟律師商討過，最後決定冇必要支付「補償金」，Yellow Cab月前決定入稟向小池榮子追討賠償。

近日出版嘅《週刊實話》報道，小池榮子同老公就官司感到頭痛，如果Yellow Cab方面勝訴，榮子夫妻到時便損失慘重。報道指，榮子已作最壞打算，更有同出版社密斟，有業界人士指從未露點嘅榮子多年來都有價有市，如果佢肯拍攝全裸寫真晒被封為「蜜瓜cup」巨乳，酬勞應該可多達1億日圓（約710萬港元）。其實榮子同坂田亘於2007年結婚後都是非多多，坂田經營居酒屋執笠收場，更一度欠下巨債，榮子積極轉型成演技派成為家中經濟支柱。