陳小春到數碼港的電台接受陳海琪訪問，問到近日好兄弟鄭伊健傳和蒙嘉慧結婚，小春坦言兩人早應拉埋天窗，又笑言：「可能結咗你哋唔知。」

記者笑他想爆料，小春即謂：「爆咪爆，不過應該未，但係我透露少少，聽聞佢哋係有呢個動作，因為伊健問我攞期。」問是否做兄弟團？小春表示伊健未有提及，笑稱可能是請他去看演唱會。