【唔會車震啩!?】挑戰《魔女的條件》 有村架純扮Miss親熱男學生
有村架純魔女的條件中學聖日記岡田健史
有村架純新劇《中學聖日記》被指係第二套《魔女的條件》。
日本人氣女星有村架純為TBS電視台10月開播新劇《中學聖日記》擔任主角,今次佢飾演嘅末永聖係個中學Miss,雖然已有町田啟太扮演嘅未婚夫,但就同15歲男學生黑岩晶發展一段禁斷之戀,故事被指似足松嶋菜菜子夥拍瀧澤秀明嘅經典日劇《魔女的條件》。
《中學聖日記》改編自同名漫畫,電視台起用19歲男新人岡田健史演黑岩晶,近日再有全新廣告曝光,繼上次岡田健史掌摑有村架純後,今次輪到岡田健史被劇中阿媽夏川結衣怒摑。至於最後一幕,就有兩位主角重現漫畫中嘅浪漫場面,岡田健史在車廂內越靠越埋,從擋風玻璃見到,男學生欲咀Miss,相信親熱程度只會點到即止,車震咁激?No Way啦!
TBS已為《中學聖日記》開設官網,而官方Instagram亦公開唔少幕後花絮照,型男町田啟太及演技派女星吉田羊都係要角之一。
精選娛聞,喺晒《娛果》
http://fb.com/appledailyent