李小姐於日本城購買一個20多元玻璃煲蓋，使用一個月後發現煲蓋螺絲生銹，並且「滑牙」，懷疑加熱過程引致，擔心生銹物質流入食物內影響健康。
日本城直認煲蓋於國內生產，過往亦有兩至3位客人反映同類投訴，但不方便透露供應商資料。「相信係佢哋煲一啲帶酸性嘅食物所致，李小姐嘅煲蓋有問題，我哋願意免費換另一個或者退貨。」李小姐指曾購買同類煲蓋三次，均有同樣問題，今次特地留意竟使用一個月便發生問題，故不會再用。
海關表示消費者保障科正跟進事件，如有證據顯示有人違反《消費品安全條例》便會採取適當的執法行動。

吃微量鐵無礙健康

香港城市大學物理及材料科學系副教授鍾志源表示，吃下些微的鐵不會影響健康：「一般煮食用具生銹亦算普遍，好似生鐵鑊咁，用耐左都會，當然如果生銹得太犀利，就唔建議用。」鍾教授續指，一個設計良好的用具，為避免影響用具的結構，細微部件如螺絲，都會使用不銹鋼，因為兩隻不同金屬於同一情況下使用，沒有抗銹能力的會加快生銹速度，減短壽命。
檔案編號：0720038

社會服務
報料熱線：29290000
社會服務熱線：29908288
蘋果日報慈善基金：29908688
傳真：37112468
網上捐款： http://charity.appledaily.com.hk/donate
各類表格： http://charity.appledaily.com.hk/forms
電郵：mailto:[email protected]
匿名投訴恕不處理。一經投訴，本報保留刊登權利。