寡母婆明嬸這20年來，為供養兩名子女，身兼兩職日捱15小時，前年終看到長女阿嘉大學畢業。惟子女未及報其劬勞，明嬸便被肺癌奪去性命。阿嘉為醫母病耗盡積蓄，現連殮葬費也成問題。
見證子女大學畢業是61歲明嬸的心願，30歲的阿嘉含淚說，「阿媽成日叫我哋讀多啲書，唔好好似佢咁捱得咁辛苦。」阿嘉當年會考成績未能在港升讀中六，惟有改投學費及生活費較便宜的內地大學。前年明嬸出席她的畢業典禮時，是其人生中笑得最燦爛的一天。
阿嘉以為全家有好日子過，打算事業穩定後，讓母親享福，「佢好勤力，諗住搵多啲錢完成我哋嘅學業。日頭做保安員12個鐘，夜晚瞓一陣又起身幫人清潔。如是者10年，唔知係咪咁，捱壞咗身體。」

日捱夜捱捱出病

去年初，明嬸連續咳嗽一個月，求醫證實患末期肺癌。阿嘉為醫母病而停工，這一年內更花費數萬元安排母親做自費化療及看中醫，惟病情未見好轉，於上月7日明嬸病逝。阿嘉慨嘆，「我細佬重有兩年先喺廣州畢業，阿媽都睇唔到。」
近月阿嘉已復工，惟仍欠7,600元支付母親的殮葬費。蘋果日報慈善基金了解情況後，已代為向殯儀公司直接支付這筆尾數。日後的骨灰位費用，阿嘉盼善長伸出援手。
捐款編號：C2391