天氣預報連日落雨，就算不是大驟雨，不停的毛毛細雨，對泥地影響依然甚大。預計濕泥場地，打出的泥頭又濕又重，後追馬很容易因上述情況而不願展步，揀馬始終以前置、主動性較強馬匹比較着數，何廐「怪獸都市」能跟擅鬥，季初便在泥地1200米一放到底，今戰可望照辦煮碗。

第四場四班1200米：用596場次做指標，跑二、三名馬「怪獸都市」、「勁得手」都是今場主要爭勝份子，論上仗追勢「勁得手」更勝一籌，但要留意本身1255磅大馬，起動比較慢，抽二檔若果早段未能把握跟前走，先要面對泥頭，繼而有機會唔願展步，可爭而欠穩。

相反，「怪獸都市」就靈活得多，能跟擅鬥，季初便在同程用巫顯東一放絕塵，蹄下敗將「旋風腿」、「慣勝積極」全無埋身能力，之後升三班跑谷草1200米、泥地一哩旨在減分，回降四班後再輸多兩仗，近兩戰回師強項泥地1200米即有表現，前仗12檔全程三、四疊蝕位，不敵一早霸守好位的「勁得手」，上仗形勢掉轉抽五檔，一早楔入二疊，後駒走三、四疊，戰果名次立即改寫，用得黃俊理所當然想放頭跑，可以睇高一線。

---------------------------
【六四30】守住歷史 拒絕遺忘
https://hk.adai.ly/zdzKtt2RiW
---------------------------
5月7日7pm
玩《MINI GAME大挑戰》
CIELO絲悅送出400份慕絲染髮劑
https://bit.ly/2WigzsG