不時有新聞指遊客歐遊時遭小偷，點知近日有韓星喺比利時拍攝時差啲遭搶劫，整個過程經節目播出，令觀眾大感震驚。

JTBC收費電視台嘅新綜藝節目《自討苦吃》上周五首播，由元祖男團GOD成員朴俊亨、Girl’s Day成員素珍、昭宥、鄭基高及NU'EST成員REN演出，節目講5位成員要喺海外做小生意籌經費，進行自給自足嘅旅行。節目噚日播出最新一集，曾喺外國生活嘅大哥朴俊亨負責用英文同當地人溝通。

點知有3名當地人突然對朴俊亨郁手郁腳，片段中明顯可見其中一人想搶朴俊亨嘅手錶，另一人就從後㩒住朴俊亨，相當有計劃性。3名外國人突如其來嘅舉動仲嚇親其他成員及製作組，當時朴俊亨立即反抗並嬲到想打人咁，製作組立即上前調停，最後甚至中斷錄影。對此，朴俊亨之後表示：「呢件事令我受到衝擊，我當時好擔心其他人嘅安全。」

相關動圖： http://bit.ly/2jSTcYp