南韓男團Got 7的王嘉爾(Jackson)同崔浩然（Nic）識於微時，二人曾一齊出戰2010年新加坡青年奧運會，之後Jackson去了南韓演藝界發展，而Nic可能因為父親有南韓血統，一向對南韓情有獨鍾，一直都有學韓文，他的韓文程度已去到可以自如對答的層面，加上混血靚樣，紅唇牙齒白，以及近期他加入了Portamento People Ltd 的模特兒及藝人經理人公司，隨時會步Jackson後塵加入演藝界。

說實在，Nic在25歲之齡退役，大家都覺得可惜，尤其他今年成績突飛猛進，問到其經理人Chris的退役決定，他表示：「他暫時未有任何計劃，首先會休息一陣子，跟住才發展其他個人興趣。」Nic近一年都有幫一大型運動品牌拍攝平面廣告硬照，相信他對娛樂事業也感興趣。Jackson同Got7近年來香港演出，也會邀請一班香港劍擊舊友到場觀看，Nic也常去捧場；主項佩劍的Jackson在2011年到南韓發展演藝事業，現在成為Got 7樂團主力之一，而Nic緊守劍擊崗位，2011年轉做全職運動員，2012年更以19歲之齡參加倫敦奧運。

Nic的爸爸有中國、南韓血統、媽咪是菲律賓人，有一個家姐及一個孖生細妹，三姐弟妹都是靚人一族，正如他IG所說，在八月雅加達亞運奪得個人賽及團體賽兩面銀牌，已經無憾，祝願他在新的領域再次起飛！

記者：徐嘉華

--------------------
新球季，新陣容！利物浦 FC 18-19季球星進駐《BFB》！立即帶領紅軍，踏上登頂之路！ http://bit.ly/2oQObi1
--------------------
《體蘋果》陪你睇波講波
https://www.fb.com/appledailysports