經歷17連勝兼3個比賽冠軍，「泥地王」拿度終於敗走紅土！周五羅馬網賽男單8強，拿度繼月初馬德里網賽決賽後再次遇上奧地利23歲新星迪安，但今次戰果逆轉。迪安憑住進取打法令拿度無力招架，最終花1小時51分鐘後以6:4、6:3奏凱，4強將會火併祖高域或者迪樸度嘅勝方，皆因後兩者嘅8強賽事因為雷雨而延至周六再戰，當時祖高域領先6:1、1:2。至於另一場4強戲碼，就由德國新星施華列夫對美國「重炮」伊斯拿。

女單方面，西班牙嘅梅古露莎喺8強以6:2、3:6、6:2擊退「大威」威廉絲，4強將會火併烏克蘭球手施維杜蓮娜，另一場4強就由羅馬尼亞嘅哈蕾普對荷蘭嘅貝頓絲。